Витканата коса е вистинско богатство, но одржувањето на сјајот, формата и структурата на совршено дефинирани локни може да вистинска мака, бидејќи бара вистинска дисциплина и посветеност.
Витканата коса е сложена за одржување и оштетувањата од несоодветното сушење и несаканите ефекти од производите наменети за коса бараат дополнително внимание.
Методата Curly Girl е наменета за нега на кадрава коса. Оваа метода се однесува на начинот на миење и сушење на косата, како и на средствата кои се употребуваат за одржување на совршените кадрици.
Првото правило – Миење
Шампонирањето со бебешки шампон или шампон дизајниран за виткана коса заедно со регенератор помага за одржување на влагата и меката текстура на косата.
Користење на соодветни производи за прaвилно хидрирање на влакното.
Второто правило – Сушење на косата
Препорачуваме избегнување на стилизирање на косата и нејзино изложување на високи температури. Доколку имате потреба да ја обликувате косата со фен, фигаро или преса за коса користете препарати за нејзина заштита од високи температури.
A кога ќе имате повеќе време на располагање за грижа за своите кадрици, топло ви ја препорачуваме следната метода за сушење на косата.
Plopping и Microplopping метода
Plopping подразбира собирање на водата со нежни притискања со памучна крпа, додека Microplopping подразбира обвиткување на косата со памучна крпа и стискање за да постигнеме поубаво формирање на кадриците.
За Plopping или Microplopping методите треба да се издвои најмалку половина час, по што продолжуваме со сушење на косата со фен и дифузер.
Не користете премногу топол воздух, туку полека оформете ги кадриците и негувајте ги со неколку капки масло за коса.
Со постојана посветеност кон овие совети за кадрава коса и совршените локни, убавиот и негуван изглед ќе биде вашата секојдневна реалност.
Блескајте со здрава и сјајна виткана коса што ќе ги привлече сите погледи.
